الفتره الجايه لسوهارتو


الفتره الجايه لسوهارتو
حتي ولو ..متوا.. أو إنهارتوا
الحاكم هو ومين غيره
مين يملك ف الحكم مهارته
الفتره الجايه لسوهارتو
***
الفتره الجايه دي مضمونه
والفتره التاليه دي مأمونه
مين انتوا عشان تنتخبونا
وتقولوا بدلتوا وغيرتوا
الفتره الجايه لسوهارتو
***
متنيل في جميع خطواته
وتاريخي ف جميع خطاباته
والشعر المنتوف .. من باطه
أطيب م العنبر .. لطهارته
الفتره الجايه .. لسوهارتو
***
متأني ... مش لجل غبائه
بالعكس..ده معروف بدهائه
ونزاهته هو وابنائه
معروفه وحتي ان شهرتوا
الفتره الجايه لسوهارتو
***
إزاي حنفرط وجلالته
قاعد علشان ينهي رسالته
ولغايه متشوفوا ريالته
وتكونوا كشعب إتحضرتوا
الفتره الجايه لسوهارتو