طول الوقت
كلمات : مصطفي كامل
 
طول الوقت وانت بتخدع .... وانا مش فاهم
سايب روحي و عايش واهم
بتعيشني في دنيا جميله ..بتسهرني ليالي طويله
كل يومين توعدني بوعد
و بتحلفلي ان احنا لبعض
كل ما نبعد ترجع تاني
و تاكد لي ان انت عشاني
دنا من طيبتي وطيبه قلبي صدقتك
طول الوقت وانا في بحوراوهامك عايم
قلبي يا عيني مغمض نايم
فاكرك شط وبر ومرسي
كل ما تكذب اسامح وانسي
ماشي بكل عواطفي معاك
فاكر قلبك قلب ملاك
و انت بتزرع جرحي و ياسي
و انا بضحك علي روحي ونفسي
وكان لازم افوق من وهمي وانا فوقت
ليه الحب يهون ليه تخدع وتخون
ليه مقدرتش ليه معرفتش مره واحده تصون
ليه الظلم حرام ليه كل الاوهام
افضل اداوي جراحك و ارجع و انا وكلي الام
ليه ليه طول الوقت وانت معايا بكل غرورك
لسه مصر تكمل دورك
لسه بتلعب دور الخاين
بس برافو عليك مش باين
كل ما حس بغدرك يوم
ترجع تاني تقول مظلوم ابدا اصدق تاني دموعك
وافرح تاني بطعم رجوعك
ابدا اصدق تاني دموعك
ما نا جوا بحور الوهم غرقت
طول الوقت وقلبك خاين زي ما هوا
وانا علي وعدي بحب بقوه
ده عمري ما كنت اتصور انك
كل الغدر ده يطلع منك
انا صدقني بجد حزين
مش علي هوا ولا شوق وحنين
علي ايام عمري اللي اتسرقت
علي احلام عمري اللي اتحرقت
اندم اني مشيت وياك وبدات
بندم علي الانسان اللي عشقته وخان
واللي هاويته واللي اديته كل شوق وحنان
بندم علي المشوار اللي انتهي بالنار
ما انا و عنيه وقلبي وروحي
معرفناش نختار ليه ليه ليه
طول الوقت وانت بتخدع .... وانا مش فاهم
سايب روحي و عايش واهم
بتعيشني في دنيا جميله ..بتسهرني ليالي طويله
كل يومين توعدني بوعد
و بتحلفلي ان احنا لبعض
كل ما نبعد ترجع تاني
و تاكد لي ان انت عشاني
دنا من طيبتي وطيبه قلبي صدقتك
 
غناء :مصطفي كامل