يا أهلاً بالمعارك
يا بخت مين يشارك
بنارها نستبارك
و نطلع منصورين
ملايين الشعب تدق الكعب
تقول كلنا جاهزين
يا أهلاً بالمعارك
خارج ساعه الصٓبحيه
و الناس رايحين جايين
نظرتهم فكرتني
بايام سته و خمسين
راجع في المغربيه
شفت عيون الثوار
نظرتهم فكرتني
بالضباط الأحرار
شفت اجتماع سياسي
كلماته نغم حماسي
و لا فيش علي قده كراسي
من كتر ما فيه ملايين
ملايين الشعب تدق الكعب
تقول كلنا جاهزيين
يا أهلاً بالمعارك
***
و في لحظه نطل و يهدا الكل
و نسمع فرحانين
عبد الناصر حبيبنا
قايم بينا يخاطبنا
نجاوبه و يجاوبنا قائد و مجندين
قول ما بدالك احنا رجالك
و دراعك اليمين
عبد الناصر يقول
الله أكبر و يوم الأزهر في وجداني
يا شعب قومنا لقهر الصعب من تاني
وعود معنديش مفيش
الا النضال عندي
و شقا و معارك مريره كتير يا أخواني
أطلب تلاقي تلاتين مليون فدائي
في جميع الميادين
عبد الناصر يقول
علي كل باب في الميثاق مصباح يهدينا
يشوف جهادنا العظيم علي فين مودينا
للأفراح يا ناصر
و للرفاهيه يا ناصر
للأفراح و الرفاهيه حنمد طريق ع النيل
إسمه في الأشتراكيه التصنيع التقيل
بس نضاعف انتاجنا أضعاف أضعاف
و نفكر مهما احتاجنا و نحارب الإسراف
و بقرش الإدخار نتحدي الإستعمار
و نقيم جدار جبار يحمي حياه العاملين
أدي نقطه بنقطه جميع الخطه
و بالله نستعين
يا أهلاً بالمعارك
