يا عرب .. يا عرب .. يا عرب في أي مصر
يا عرب .. يا عرب .. اسمعوا صوت شعب مصر
أحفظوا لمصر المكان .. و احنا عالعهد اللي كان
مصر أوفي من الزمان ..
و انتو عارفين شعب مصر
يا عرب يا عرب يا أهل مصر
----------------------------
اللي خانوا العهد بينا .. و استباحوا كل حاجه
و استهانوا بالعروبه .. و استكانوا للخواجه
مستحيل حيكونوا منا .. نحنا حاجه و هما حاجه
هما باعوا الجلابيه .. و الوطن و البندقيه
و ا حنا أصحاب القضيه ..
احنا ما بنبيعش مصر
يا عرب يا عرب يا أهل مصر
----------------------------
يطلع الدجال بزيفو .. يملا وادي النيل ضباب
ينزل الجلاد بسيفو ... يزرع الموت و الخراب
يطول الليل زي كيفو .... الصباح له ألف باب
و احنا بوصلتنا بإيدينا .. ما تخافوش من الليل علينا
مهما غبتو عن عينينا ..
انتو جوا بقلب مصر
يا عرب يا عرب يا أهل مصر
-------------------------
سينا و لا .. يافا و لا .. حيفا ولا ... دير ياسين
اسألوا الشمس اللي هاله .. عللي صحيوا مبدرين
يزرعوها نور و غله .. دول جدودنا و لا مين ¿
حقنا و حتما ً يٓعاد .. بس لو بانت سعاد
و البيان ده لوه معاد ...
و المعاد حيكون في مصر
يا عرب يا عرب يا أهل مصر
