بكل العمر
كلمات : فوزي أبراهيم

بكل العمر حبيته
و في حضن القلب خبيته
باسم الحب سميته
حبيبي و دنيتي و فرحي
أتاري الحب كان ذنبي
و كان غلطتي في قلبي
فضلت أديله من حبي
لقيتني باساعده علي جرحي
و أعيش يا قلبي و اتعلم
اتاري الحب حتي الحب
لو يوم زاد عن حده
يخلي القلب يجرح قلب
و يتحول لشئ ضده
و أعيش يا قلبي و أتعلم
أنا اللي طلعت أستاهل
و أنا اللي في دنيتي بندم
لا شاف مني عذاب و لا أه
و لا حبي في يوم بكاه
ملك روحي و عمري معاه
و خد أكتر ما كان يحلم
بكا العمر