فصول هواك

 

أحسن بي خاطري أفوتك ..

يا خوف الشوق من بكره

و البينا حرام  ينهد .... ويتعد  مجرد  ذكري

                       ***

غنيتك.. عفو الخاطر .. جابت  عينيك القسمه

ومن عين الناس غطيتك   وداريتك من النسمه

                      ***

دافعت  عليك  قضيه .. و دسيتك  من النبضه

وشارفت معاك المنيه ولي عمري بقيت الومضه

خيرك يا الخضر قيفك يا فال البشري خريفك

تتعاقب فيني فصولك يا الدافي احساسك وصيفك

                       ***

عطر  دنياي  عبيرك ..  يا الزين عمري ربيعك

غناك  الورد  الفتح  .. و رشيت  للدنيا بديعك

                     ***

مما الأيام  أدتني .. وخشيت  في  العمر  الأجمل

حسيت بالفرقه الجايه .. وحلو  الأيام  ما بطول

                     ***

جا شتاك البارده مشاعره بردت زي ليله عواطفك

حتت أوراقها مشاعرك وهاجت من تاني عواصفك

                       ***

حسيت بالنوه الجايه .. ومجبور قدرت  ظروفك

العزه تسوقني وأفوتك غرقان في شكك وخوفك

                      ***

بي روحنا نصحي جروحنا وخايفين في الريد ما نأمل

هو متين الزمن أو انت .. خليتو الفرحه تكمل..¿¿