قرار مصيري

 

من  الليله  يلا .. كل  زول  في  محله

ليل  الدمعه  ولي ..  و عهد  العزه حل

                ***

فارق بي سلامتك ..  وقلبك ليك يبري

تلقي الفي مرادك .. ومنك جرحي يبرا

               ***

دايرك  تبقي  عارف .. بعدك  ما  أمر

من كونك معاي .. وما حسيتني  مره

               ***

من  فارقت  دربك .... القلب استقر

وضاقت النوم جفوني وانسان عيني قرُ

               ***

ما قيمت ريدي .. وانت البيهو أدري

قدر الدنيا وأكبر .. ومخلوق فيني فطره

               ***

الحب الجمعنا.. ..  أكبر  ألف  مره

من  مفهوم سعادتك.. لي معني المسره

               ***

بمسح  كل  صفحه .. إسمك  بيها  مرُ

وبوقد  ألف  شمعه .. للجايات  وبكره