الفيني يكفيني

 

الفيني    يكفيني ..... مالك  علي  تاني

جاييني شايل الخوف يا مصحي أشجاني

                 ***

بعد  الألم  ما  نام .... و اتوسد  أحزاني

جيت زي مني الأحلام وهيجتو من تاني

                ***

مسيت مواطن الريد .... وولعت نيراني

جيت تنبش الأحزان   وتتحدي هجراني

                ***

صحيت مواجع الريد وحركت وجداني

شمُت  فيني  الناس .... القاصي والداني

***

بصحي وبنوم بالشوق سيرتك مسامراني

مرات  تعذبني .... و مرات  مخاطراني

*** 

استنوا  يا  عشاق .. دا  الشوقه  هداني

ودرت  درب الريد .. ودوني  عنواني

***

من  قمت  مالكني .. وبي ريده  هجاني

والتوبه  من  الريد  .. كان  الله    نجاني