عاصف ريدك

 

هاتف شوقك .. رن .. وكف

حس العارفك ..

قلب  الريد

لي ردك خف

             ***

داعي الشوق ..

أم حادي الإلفه !¿

ولُا مجرد عشره وعرفه

ولُا البينا

الما سامنو ..

وخايفين منو

و جد بستاهل مننا وقفه

ولا أسيبك ..

 تاخدي نصيبك

خوف من بكره .. وقله عرفه

قولي الحاصل ..

 ويلا نواصل

وأنا مستني .. الرد بي لهفه

             ***

أنا بي شوقك ..

حاسي وعارف

وزيك

شايل الريده معارف

ومن احساسي البي ..

 ما خايف

أيه لو شلنا البينا نجازف

وألف مبرر للما عارف

         ***

تحكي عيونك

كل الحاصل

وأنا حاسيه

مره تعاند .. 

و مره تكابر

و مره تغالط حالها الفيهو

وانتي مصره ..

تخبي الغالي

وكل العالم بحلم بيهو

وحبل الصبر

 البينا مواصل

رغم الحاصل .. أنا ماديهو

عاصف ريدك

 فكي طريقو

خليه يصحي النام شاديهو