ولا يهمك

و لايهمك

مصيرها الدنيا تبسم ليك

تضاريك وتزيل همك

        ***

يكفيك

انك اخلصت

وصلت مع الحبيب حده

واديتو الوراك ومعاك

ومصيرك اضحي في يده

بكل حواسك اخلصت

وما اتمنيت حبيب بعده

        ***

قلوب الناس

تلوم الريد

والريد يشكي من زمنه

والزمن

 انشرح ضاحك

يقسم للقلوب محنه

اريت

 لو ليهو قلب يريد

عشان بالمحنه نمتحنه

***

لو تابعت

شرع الريد

مؤكد تصدق احلامه

مره فراق .. ومره لقا

فرح مترادفه ايامه

واذا ظلموك احبابك

زمانك ظالمه احكامه