عارفك جداً ما اتفاجات الاقي عيونك انا كلمني الشوق سنوات قلبي اللاقي عيونك صدفه كان موعود بسنين حلوات *** انا متاكد يوم لاقيتك انت الزول الحافظو وعارفو قبل اشوفك عارفك جدا ويوم لقياك مستني وشايفو *** ما تستغرب شوقي البادر انا لقياك سنوات راجيها كان في الغيب موصول البينا وكل صغايرك بعرف بيها *** شوقك ذوقك غضبك حلمك حتي النغم الدغدغ حسك كان ياريت لو جيت من بدري ومن هوجات اشواقي ادسك *** ما حتطول الدهشه الحاصله واكب واقعك يلا وعيشو روحنا جروحنا حزنا فرحنا وعيد للطير العايد ريشو
