حواس الكون الزمن العلي باكي ودفن افراحي حباكي غناي خلاهو يهواكي ظلمني وجاكي لي شاكي *** فرشت الريده يوم جيتك قعدت وراجي محياكي معاي كانت حواس الكون علي اعصابها راجياكي ولا رمشت عيون الليل عشان بي شوقها تلقاكي *** اموت واعرف حكاياتك شنو الخلاكي ما ياكي منو الغيُر قناعاتك .. بعد ما كنت دنياكي طريقا ما بتتميهو .. منو الفي دربه وداكي¿¿ *** زمان ما كنت انسانك تشوفي بي خباياكي عيون دنياكي في المجهول ملاذك ومرسي شكواكي زمانك وباقي اعوانك علي عصاك وقساكي *** تعالي وعيدي امجادك بتلقي دواخلي شايلاكي وليك حبل العشم ممدود اذا حنت حناياكي اذا ضاق بيكي صدر الكون تجي وتلقيني سلواكي
