العاشق مننا
كلمات : عوض بدوي
 
الله يكون في عون العاشق مننا
بنشوف كذب العيون و نصدق نفسنا
لما تكبر جراحنا تصعب علينا روحنا
تصعب علينا روحنا و نسامح الناس
و أنا و أنت يا قلبي دوبنا يا قلبي دوبنا
نحتار و نقول نصيبنا
و كتير تعبنا يا قلبي دوبنا
و بناخد ايه يا قلبي من الهوا
غير جراحنا
الله يكون في عون العاشق مننا
و نشتكي من قسوه الناس و السنين
و لمين هنشكي غير حبايب مخلصين
أما الحبايب نفسهم الحبايب
بيجرحوا طب مين هيمسح دمعنا
و نروح لمين و أنا و أنت يا قلبي دوبنا
يا قلبي دوبنا نحتار و نقول نصيبنا
و كتير تعبنا و بناخد ايه يا قلبي
من الهوي غير جراحنا
الله يكون في عون العاشق مننا
و بنعترف إن الغرام تاج القلوب
و إن إحنا دايبين في الهوي و العشق دوب
و أن قالوا مره ان الهوي بقي ذنبنا
بقي إحنا عشنا عمرنا كله ذنوب
و أنا و أنت يا قلبي دوبنا
نحتار و نقول نصيبنا
 
و كتير تعبنا و بناخد ايه يا قلبي
من الهوي غير جراحنا
الله يكون في عون العاشق مننا