انزل عالبندر واتغندر
كلمات : توفيق بركات
انزل عالبندر وتغندر وخليك بلبسك يا اسكندر
وقلن هاي موضه ضيعتنا ما منغيرها ولو متنا
وعبله ما بتعشق غير عنتر انزل عالبندر
موضتنا حلوه والله مباركها ما راح ننساها ولا راح نتركها
وحلوه ضيعتنا اللي بدو يشاركها بدو كل ليله علي حبها يسهر
وعبله ما بتعشق . . انزل عالبندر
هيدي عوايد خلقاني معنا ما منغيرها لو مهما قشعنا
وخلي هالدني كلها تسمعنا الشوك بضيعتنا أحلي من العنبر
انزل عالبندر
موال :
لو الكون من طينه جبلنا وكل شئ في حسن عنده جبلنا
ونحنا للسما رفعنا جبلنا وبنينا بيوتنا فوق السحاب
وما يوم هوينا الناقص والزايد وما نسينا هاك العوايد
وعلي عادتنا في الله شاهد وما حدا علينا بيقدر يتمخطر
