لا يا حبيبي
تأليف : عبد الفتاح مصطفي
ليلي ونهاري فكري بيك مشغول
وحياتي لك وحدك علي طول
ولسه بتصدق حسود وعزول
قالوا لك الغيره تود حبي وبالدموع والحيره تملك قلبي
لا يا حبيبي
بالحب وحده انت غالي علي  بالحب وحده انت ضي عنيه
بالحب وحده وهو وحده شويه
لا يا حبيبي
أنا لما حبيتك خطر علي بالي
اللي جرالي واللي راح يجري لي
صورت افراحي ونعيمي في قربك
وسهدي ف بعدك ونار عذابي
عمري ما قلت ازاي وليه حبيتك
ولا عمري قلت يا ريتني يوم ويا ريتك
وبكل قلبي وبكل عقلي هويتك
الحب هو الود والحنيه
عمره ما كان غيره وظنون وأسيه
الحب هو اللي بأمره هويتك
وأمره لا بايديك ولا بايديه
من اللي قال عزك يذل خضوعي
ولا غلاوتك في الهوي بدموعي
لو كنت أرضي بالهوان فين قلبي
وازاي تخونه وتحكمه في ضلوعه
بالحب وحده انا سلمت قلبي إليك
بالحب وحده مش بغريتي عليك
فين الحنان فين الامان يا حبيبي
لو حيرت فكري الطنون حواليك
الهجر اهون من عذابي في قربك
ولا اشوفشي يوم أندم عليه وأنا جنبك
وكفايه اعيش بالذكريات في بعادك
وأنا عشت اكثر من حياتي في حبك
          بالحب وحده انت غالي علي    
                    بالحب وحده انت ضي عني
 بالحب وحده وهو وحده شويه
لا يا حبيبي