أنت عمري

غناء / ام كلثوم

رجعوني عنيك لأيامي اللي راحوا
علموني أندم علي الماضي و جراحه
اللي شفته قبل ما تشوفك عينيه
عمر ضايع يحسبوه إزاي عليُ
انت عمري اللي ابتدي بنورك صباحه
قد إيه من عمري قبلك راح و عدي
يا حبيبي قد إيه من عمري راح
ولا شاف القلب قبلك فرحه واحده
ولا داق في الدنيا غير طعم الجراح
إبتد يت دلوقت بس أحب عمري
إبتديت دلوقت أخاف لا العمر يجري
كل فرحه اشتاقها من قبلك خيالي
التقاها في نور عينيك قلبي و فكري
يا حياه قلبي يا أغلي من حياتي
ليه ما قابلنيش هواك يا حبيبي بدري
اللي شفته قبل ما تشوفك عينيه
عمر ضايع يحسبوه إزاي عليُ
انت عمري اللي ابتدي بنورك صباحه
الليالي الحلوه و الشوق و المحبه
من زمان و القلب شايلهم عشانك
دوق معايا الحب دوق حبه حبه
من حنان قلبي اللي طال شوقه لحنانك
هات عينيك تسرح في دنيتهم عينيه
هات ايديك ترتاح للمستهم ايديه
يا حبيبي تعالي و كفايه اللي فاتنا
هو فاتنا يا حبيب الروح شويه
اللي شفته قبل ما تشوفك عينيه
عمر ضايع يحسبوه إزاي عليُ
انت عمري اللي ابتدي بنورك صباحه
يا أغلي من أيامي يا أحلي من أحلامي
خدني لحنانك خدني عن الوجود و ابعدني
بعيد بعيد أنا و انت بعيد بعيد وحدينا
ع الحب تصحي أيامنا ع الشوق تنام ليالينا
صالحت بيك أيامي سامحت بيك الزمن
نستني بيك ألامي و نسيت معاك الشجن
رجعوني عنيك لأيامي اللي راحوا
علموني أندم علي الماضي و جراحه
اللي شفته قبل ما تشوفك عينيه
عمر ضايع يحسبوه إزاي عليُ