يا حبيبي .. الليل وسماه ..
ونجومه وقمره .. قمره وسهره
وإنت وأنا.. يا حبيبي أنا .. يا حياتي أنا..
كلنا .. كلنا.. في الحب سوا ..
والهوي أه من الهوي
سهران الهوي يسقينا الهنا .. ويقول بالهنا .. يا حبيبي
يللي نعيش في عيون الليل
ونقول للشمس تعالي تعالي بعد سنه .. مش قبل سنه
دي ليله حب حلوه بألف ليله وليله ..
بكل العمر .. هو العمر إيه غير ليله زي الليله
إزاي أوصفلك يا حبيبي إزاي
قبل ما أحبك كنت إزاي
كنت ولا إمبارح فاكراه .. ولا عندي بكره أستناه..
ولا حتي يومي عايشاه..
خدتني بلحب في غمضه عين ..
وريتني حلاوه الأيام فين ..
الليل بعد ما كان غربه مليته أمان
والعمر إللي كان صحرا أصبح بستان
يالا نعيش في عيون الليل
ونقول للشمس تعالي تعالي بعد سنه .. مش قبل سنه
دي ليله حب حلوه بألف ليله وليله ..
بكل العمر .. هو العمر إيه غير ليله زي الليله
يا قمر ليلي .. يا ظل نهاري يا حبي .. يا أيامي الهنيه
عندي لك أجمل هديه ..
كلمه الحب إللي بيها .. تملك الدنيا وما فيها
واللي يفتح لك كنوز الدنيا ديه ..
قولها ليه ..
قولها للطير .. للشجر .. للناس
لكل الدنيا ... قولها ..
الحب نعمه ... مش خطيه
الله محبه .. الخير محبه .. النور محبه ... يا رب
تفضل حلاوه سلام أول لقا في إيدينا
وفرح أول ميعاد منقاد شموع حوالينا
ويفوت علينا الزمان يفرش أمانه علينا
يا رب ....
لا عمر كاس الفراق المر يسقينا
ولا يعرف الحزن مطرحنا ولا يجينا
وغير شموع الفرح ما تشوف ليالينا
يا حبيبي ....
يلا نعيش في عيون الليل
ونقول للشمس تعالي تعالي بعد سنه . مش قبل سنه
دي ليله حب حلوه بألف ليله وليله...
بكل العمر .. هو العمر إيه غير ليله زي الليله ..
ونقول للشمس تعالي بعد سنه . مش قبل سنه
دي ليله حب حلوه بألف ليله وليله...
بكل العمر .. هو العمر إيه غير ليله زي الليله ..
