فكروني    

غناء / ام كلثوم
 
صحوا نار الشوق في قلبي وفي عيوني
رجعوا لي الماضي بنعيمه وهناوته
وبحلاوته  وبعذابه  وبشاوته
وافتكرت فرحت وياك قد ايه
وافتكرت فرحت وياك قد ايه
وافتكرت كمان ياروحي بعدنا ليه
بعدما صدقت اني قدرت انسي
بعد ما قلبي قدر يسلاك ويقسي
جم بهمسه وغيروني كانوا ليه بيفكروني
بعدما تعودت بعدك غضب عني
بعدما نسيت الاماني والتمني
كلمتين اتقالوا شالوا الصبر مني
صحوا في عنيه حنين لابتسامتك
وابتدا قلبي يدوبني باهته
وابتدا قلبي الليل يبقي اطول من ساعاته
واسهر اسمع نبض قلبي بيناديك
روحي فيك مهما جري انا روحي فيك
تسوي ايه الدنيا وانت مش معايا
هي تبقي الدنيا دنيا الا بيك
اللي فات وياك  ياروحي بأعود اليه
واللي عشته معاك رجعت اعيش اليه
بعدما  صدقت اني قدرت انسي
بعد ما قلبي قدر يسلاك وينسي
جم بهمسه  وغيروني كانوا ليه بيفكروني
جرحوا الجرح اللي قرب يبقي ذكري
سهروني اعيش في بكره وبعد بكره
ياحياتي انا كلي حيره
ونار وغيره وشوق اليك
نفسي اهرب من عذابي نفسي ارتاح بين ايديك
والخصام  والهجر وليالي  الاسيه
 
كل دول مايهونوش حبك عليه
رحنا واتغيرنا احنا  الا هو
هو نفس الحب واكثر هو  نفس الشوق واكثر
واللي جوه القلب كان في القلب جوه
اللي فات وياك ياروحي اعيش عليه
واللي عشته معاك رجعت اعيش عليه
بعد ما قلبي قدر يسلاك ويقسي
جم بهمسه  وغيروني كانوا ليه بيفكروني
ياحبيبي  حياتي بعدك مستحيله
ياحبيبي والحياه ايام جميله
ليه نضيع عمرنا هجر وخصام
واحنا تقدر نخلق الدنيا الجميله
بالوداد والقرب تتحدد حياتنا
بالحنان والحب تتبدل اهاتنا
واللي جاي نعيشه احلي من اللي فاتنا
والقمر من فرحنا ح ينور اكثر
والنجوم ح تبان لنا اجمل واكبر
الشجر قبل الربيع ح نشوفه اخضر
واللي فات ننساه ننسي كل اساه
ياللا نلحق م الزمن ايام صفاه
دي الحياه من غير لقانا مش حياه
واحنا مش ح نعيش ياروحي مرتين
فكروني ازاي انا امتي نسيتك
دانت اقرب مني ليه يا هنايا
مهما كانت بعيد عليه او معايا
تنتهي الايام وتطوي العمر منا
وانت حبك للابد مالوش نهايه
كلموني تاني عنك فكروني فكروني