يا مغرمين
يا مغرمين يا عاشقين مين زي مين يا مغرمين
حبيت جميل مالوش مثال في رقته
رمشه كحيل ولا الغزال في نظرته
وجبينه نور ولا إيه وشعره ليل لكن جميل
قلبي هواه وارتاح البدر يغيب معاه مشغول عليه
دي فرحتي وقسمتي في الحياه وجنتي ودنيتي طول الحياه
وقربه كان حلم جميل
يا مغرمين يا عاشقين مين زيي مين يا مغرمين
قضيت سنين كله حنين أسأل عليه
وأقول يا طير حاشوفه فين واتهني بيه
ويوم لقاه نسيت مرار الانتظار مع الخيال
وبان رضاه في الانسجام والابتسام ساعه ما قال
يا مغرمين يا عاشقين مين زيي مين يا مغرمين
