فاتت جنبنا

                             غناء / عبد الحليم حافظ

فاتت جنبنا  انا وهو
وضحكت لنا  انا وهو
رديت وكمان رديت   وفضلت ارد لحد ما فاتت
ونسيت روحي وصحيت  اتاريها خدت الشمس وغابت
وانشغلت وقبل مايطول انشغالي 
  رحت سائل روحي واحترت ف سؤالي
انا بفكر ليه وبشغل روحي ليه
اعرف منين انها قاصداني  انا مش هو
واعرف منين  ان الضحكه دي  مش له هو
وليه انا - مش هو
مره تانيه برضه صدفه  كنت انا وهو ف طريقنا
شفنا خطوه حلوه جايه  وضل تالت بيسابقنا
التقيت لقيتها هي حاجه مش معقول هي
وابتديت اسمع ف قلبي لحن حب جديد علي
سمعت منها كام  كلمه  ما قالتش منهم ولا كلمه
بس انا حسيت ولاول مره باعيش وباحس 
 ولقيتني بدوب في كلام الهمس اللي مالوش حس
ضحكت تاني نفس الضحكه وراحت ماشيه
زي الدنيا ماتيجي ف لحظه وتمشي ف ثانيه
بسيت لصاحبي لقيته جنبي وماهش جنبي 
 عايز يقول كلمه اتقالت ...جوه ف قلبي
كنت عاوز اسأله هو كمان   حس بها وانشغل هو كمان
ورجعت اقول  كده مش معقول
انا بفكر ليه   وبشغل روحي ليه
اعرف مين انها قاصداني انا مش هو 
 واعرف منين ان الضحكه دي مش له هو
وليه انا - مش هو
رحت مش عارف مالي   ماعرفش ايه اللي جرالي
فرحان عايز اضحك   مهموم عايز ابكي
لادموعي طايلها  ولا لاقي حد اشكي
حبتها ايوه انا حبيتها  مش قادر انسي ضحكتها
مش يمكن فرحه عمري والفرحه ما صدقت لقيتها
كان فين اليوم دا غايب عني   تسلم لي وتسلم ضحكتها
كان نفسي الدنيا تشاركني في الفرحه اللي انا حاسس بيها
كان نفسي كل حبيب يسعد بالجنه اللي انا عايش فيها
والليالي دوبتني وشتت فكري وظنوني  
 لما طيف الغيره شفته بيترسم قدام عينوني
ان لقيت صاحبي بيضحك  اقول دي لازم قابلته
وان لمحت ف عنيه شكوي اقول دي لازم خاصمته
مالقيش طريق قدامي  يرحمني من العذاب
غير اني ادور واسأل واعرف منها الجواب
وعرفت طريقها عرفته وشقيت علي بال
 ما عرفته  وبعت كلمتين .. مش اكثر من سطرين
قلت لها  ريحيني وقوليلي انا فين 
  وجاني الرد جاني ولقيتها بتستناني
وقالت لي انا من الاول  بضحك لك يا اسمراني
انا .. انا - ايوه انا - مش هو