موعود للشاعر / محمد حمزه موعود معايا بالعذاب موعود ياقلبي موعود ... ودايما بالجراح ... موعود ياقلبي ولا بتهدا ... ولا بترتاح .. في يوم يا قلبي عمرك ما شفت معايا فرح كل مره ترجع المشوار بجرح والنهارده ...جي تقول انسي الاهات جي تقوللي ..يا للا بينا الحب فات وميل وحدف منديله كاتب علي طرفه اجيله وامانه يادنيا امانه تخدينا للفرحه امانه وتخلي الحزن بعيد عنا وتقول للحب استني استنانا تاني ..... تاني ح نروح للحب تاني والنار والعذاب ...من تاني تاني ..تاني ... تاني ح نروح للحب تاني ونضيع .. ونجري ورا الاماني ويغيب القمر ونعيش السهر واهات الالم في ليالي الندم ياليل .. يا حضن السهاري ياللي شفت في عينه الدموع وانا دايما راجع وحيد ياليل يا حضن السهاري خلي فجر الحب يطلع .. بدري يمشي مشوارنا الطويل وامانه يادنيا امانه تخدينا للفرحه امانه وتخلي الحزن بعيد عنا وتقولي للحب استني استنانا وابتدا المشوار واه يا خوفي من اخر المشوار جنه واللا نار اه ياعيني رايح وانا محتار واتقابلنا والحياه قدام عنينا حلوه واتقابلنا والكلام فوق الشفايف غنوه كل حاجه فكرت فيها في لحظه واحده ردت عليها بنظره حلوه من عينها الامان في عنيها حسيت ... اني عديت للامان الحنان خد مني واد في .. ياللي محروم من الحنان والقمر طلع والخوف رجع والهوي دفيء والليل سمع امانه يادنيا امانه تخدينا للفرحه امانه وتخلي الحزن بعيد عنا وتقول للحب استني استنانا شوف بقينا فين ياقلبي وهي راحت فين شوف خدتنا لفين ياقلبي وشوف سا بتنا فين يا قلبي في سكه زمان راجعين في سكه زمان في نفس المكان ماشين في نفس المكان لا جراحنا تهدأ يا قلبي ولا تنسي اللي كان بتصحي الطريق خطاوينا وانين السنين والسما بتبكي علينا والناي الحزين حتي نجوم ليالينا والقمر غايبين ... وتاني .. تاني راجعين انا وانت تاني للنار للعذاب ..من تاني راجعين للحيره تاني ضايعين بنجري ورا الاماني وامانه يادنيا ... امانه تداوينا من جرح هوانا وتخلي الحب بعيد عنا ولا نستناه... ولا يستنا امانه
