اي دمعه حزن

للشاعر / محمد حمزه


.

أي دمعه حزن
لا لا لا لا
أي جرح في قلبي
لا لا لا لا
أي لحظه حيره لا
لا لا لا لا لا
حتي نار الغيره لا
لا لا لا لا
عايشين سنين أحلام
دايبين في أحلي كلام
لا عرفنا لحظه ندم
ولا خوف من الأيام
قلبي دق دق دق
قلت مين عالبيبان دق
قاللي إفتح ده الزمان
قلتله يا قلبي لأ
جاي ليه يا زمان
بعد إيه يا زمان
بعد إيه يا زمان
من كام سنه قلبي و أنا
عايشين هنا
من كام سنه
من كام سنه دنيا الهنا
بتضمنا من كام سنه
وقال إيه جاي الزمان يداوينا
من إيه جاي يا زمان تداوينا
ده الأمل في عنينا
والفرح حوالينا
سأل الزمان و قال
إيه غير الأحوال
قلناله حبينا
وارتاحنا و نسينا
وارتاحنا و نسينا
ده احنا حبينا
و ارتاحنا و نسينا
الجرح بتاع زمان


إحنا إحنا إحنا
اللي أمنا للزمان إحنا
و إحنا إحنا
إحنا اللي
خد منا الأمان و جرحنا
إحنا إحنا
اللي طاوعناه إحنا
وعمره في يوم
ما ريحنا
ولا ملامه علينا لا ملامه
داحنا تعبنا و دوبنا ياما
واما ندينا عليه يداوينا
عمره ما فكر في يوم يجينا
وأدينا عايشين
وبقينا عاشقين
لا جراح بقلوب
و لادمع حزين
ولما دق الحب بابنا
الربيع نور شبابنا
وقال إيه جاي الزمان يداوينا
من إيه جاي يا زمان تداوينا
ده الأمل في عنينا
والفرح حوالينا
سأل الزمان و قال
إيه غير الأحوال
قلناله حبينا
وارتاحنا و نسينا
الجرح بتاع زمان


وفي ليله مش ناسيها
سهران الفرح فيها
جالي الزمان و معاه
هديه فرحت بيها
حبيبي الأولاني
سافرت كتير معاه
كتير كتير معاه
بأحلامي في هواه
كتير كتير معاه
سقيته من حناني
وبنيت معاه أماني
وقلت ياريت يا دنيا
تديني عمر تاني
وصحيت علي العذاب
لقيت الفرح غاب
والحب يا عيني داب
أتاري الزمن كداب
وقدرت يازمان
في رحله النسيان
أنسي اللي كان و أرتاح
وأبعد عن الأحزان
شوف يا قلبي شوف
شوف الدنيا ياقلبي
حلوه حلوه إزاي بالحب
عمرك شفت قمر سهران
غير للعشاق
والا نجمه جايبه كلام
غير للمشتاق
كل العاشقين زينا عايشين
لا جراح في قلوب
ولا دمع حزين
وقال إيه جاي الزمان يداوينا
من إيه جاي يا زمان تداوينا
ده الأمل في عنينا
والفرح حوالينا
سأل الزمان و قال
إيه غير الأحوال
قلناله حبينا
وارتاحنا و نسينا
الجرح بتاع زمان

...

..