زمن عبد الحليم مهداه الي زمن عبد الحليم حافظ فينك يا عبد الحليم فين صوتك اللي كان فرح وهموم وكان سما بنجوم اللي طلع م القلب عارف يعيش..ويدوم فينك يا عبد الحليم فينك يا احلا من يغني الفراق تيجي تغني زحمه الشهداء والدم في فلسطين وعلي توب العراق فينك يا عبد الحليم فينك يا زارع الحلم بعد الحلم بعد الحلم الدنيا.. ريح.. وغيوم الدنيا ..موت ..وسموم ولا حد سامع صرخه المظلوم ولا انه المهموم الدنيا منتظره صوتك ومحوشالك هم اكتر من الايام الدنيا منتظره صوتك ليه رحت قوام ضاقت مساحه الكلام والشوك ما زال يوعد بصحبه ورد الشوك خسيس عمره ما يوفي بعهد الشوك- كما تعرف خبيث ..خوان وفجرنا اعمي ساكت ما لهش ادان وكل صبح جديد بحزن قديم فينك يا عبد الحليم لا عاد حبيب ينضم ولا عبير ينشم ولا ضحكه ملو الفم هربت ليه يا عم مش كنت تنتظر الليالي الهم ملونه فلسطين بطعم الدم والضحكه اناتنا ..اذا تتلم وكل مانشد الامل ننشد الكل راحل .. والجناح منحول في غربه تقتل قلبنا المقتول رحل في صوتك احلي ما في صوتي ورحل بموتك فرحتي بموتي هاربه الحدود وبيطاردها الحد الاغتصاب ما لوش حدود ولا حد كله بيرحل من دموع الخد للشهدا نايمين ع الكتاف .. واليد ابدان بطول حزن الحياه ..تتمد صوت البيوت الطيبه بتتهد صرخه وليد اخضر صرخها بجد الطيارات الحراتات الجرافات تقتل تاريخ الارض والحزن خيط ضي الاسي الممتد الحزن صاحب حميم فينك يا عبد الحليم فينا احنا يا عبد الحليم دلوقت مين اللي قتل الثاني فينا احنا والا الوقت اتعسا في الحياه النوم وقله الانتباه الصمت والصوت يبقوا شيء واحد سكت والا نطقت الكل في البعد اتنسي صوته وانا اللي للصوت القديم اشتقت فينك يا عبد الحليم فات ايه وامتي وكام هل لما غنينا الوطن كنا بنفرش بيه علي الرصفان وناكل الساقطه من الاغصان نتجاهل النكسه ورا النكسه ونندغ التواريخ والاحزان ويشتم الشاتم نقول " احسنت والامه تدخل دايره التحريم فينك يا عبد الحليم انا هنا اشبه غروب لشعر والاحلام انا هنا مطرح ما مديت ايد وقلت سلام فارش في ضله حيره الايام انا ياللي كنت مليح والخلق شردها عويل الريح الدنيا تزحم في طريق مسدود تلف قدامي وخلفي عباد وكاني مش موجود وكان عمري ما خش قلبي ناس في وشي تقرا ملامح الامه الضلمه نور والنور جبال ضلمه اهتف انادي بحق من غير صوت اهتف انادي حق شبعان موت اتدلدلت فتايل القناديل واتنجست سجاده المواويل مهر الفساد وسط الخلا مفلوت وباقول يا ليل ارواحنا متباعه بتمن الموت كل الجرتح ما تئن شوقي القديم بيحن لحبر غير الحير وشعر غير الشعر وسن غير السن ازاي هربت من البلا الي يجن وزمن ينسي اللي يئن..يئن تعال شوف الدنيا من غير حسن من غير ناس وانا بنفس الؤم نفس الطريقه القديمه في زحام البكم بارخي لجامي واخدع السياس فينك يا عبد الحليم مين اللي هيحصد أهات الارض ويبلغ الاحساس انا اللي مسكون بالسكوت لو موت ..ما نيش ملفوت وانت بتضحك جنب مني ..تفوت الكدب مالي الكون الكدب ما لوش لون الكدب ..بلع الالسنه والصوت مين اللي ردم اللون ده في الاحزان مين اللي ردم الاهل تحت الهد مين اللي خان يونس سؤال في خان يونس عليه ما جاوبني ابدا..حد فينك يا عبد الحليم الامه بتعاني وبتعاني ما عادتش نفس الامه نفس الخلق والكدب ما عادش زي ما كان ايامك زما عادش نفس الحق هوه الحق ارحل باحلامك رحل زماننا يا صاحبي قدامي وقدامك وامتك بكدبها اتباهت الامه في دروب الاسي تاهت الامه زي العاده بتعاني لكن معاناه ..كدب ..براني مش زي ما كانت أدي المسيح شايل صليب تاني اظنه غير دكهه دهه..باهت عن وصفه عاجزه كل احزاني والعدرا من يوم البكا بتبكي ولدها مقتول ع الصليب..متكي الدمع مات من كتر ما ناحت كل النسا في ارض وجيل ليها ولاد ماتت العدرا تبكيهم سوا..وتئن تبكي وتتداري ف صليب الابن يا ام المسيح من قعدتك قومي أدي الصهاينه بيمشوا في دروبي وقلعوني ..ومشيوابهدومي والحزن في القلب القديم ..فاحت وف كربلاء أدي الشهيد..محمول كل العراق زي الحسين مقتول والدنيا فاهمه وانا اللي لسه غشيم فينك يا عبد الحليم اهو زي ما سبتني يوم الرحيل ونويت وسمعت بالموته وانا باعبر طريق..ومشيت ولا كانك مت كملت خطوي وفت ما حصلش غير طراطيش اغاني وضحك وهموم وطنيه تمر زي الطير وصوت ما عادش يدق باب البيت وانا في الحقيقه مش باقول مشتاق عشان مشتاق كل الحكايه في زنقه الاوطان وميله الميزان لما تخوي حدادي اللوعه والغربان كنت انت نافعني اذا قلت يا فلسطين او يا عراق او اغني احلامنا اللي ضاعوا هباء وكل يوم اوطان بيغيبوا في الاجواء يغيب عنا الصوت وتفضل الاصداء ويتملي الجورنان بضحكه الاعداء وقليله ع الكلب قوله لئيم وانا فينك يا عبد الحليم كتبت سطرين بس كنت حزين ادي ورقتي لمين فينك نغني تاني موال النهار يا صاحب الرحله ف طريق الشوك انت ما متش هم شبعوا موت المساله مش صوت المساله هم الجميع يتحضن المساله تترجم المعاناه..وطن المساله امتنا في التيه تفتكر وتنتفض وتعود تنفض غبار الياس علي رمل الحدود نمر من باب الوجود نعيش جنود ونموت حنود نفضح ونهزم العدو مازال يحاربنا بكل سلاح غشيم نفضح ونهزم العدو نفس العدو الندل القديم كما فعلنا ف مصر لاجل النصر مش ده اللي خلاك في الضمير عبد الحليم
