سوالف رحلتي


عن حبك رحلت ..
ولحبك وصلت ..
وهذي سوالف رحلتي ..
سافرت .. في كل التراب
سافرت .. لديار السحاب
وهربت من ليل اللقاء .. وسهر الغياب
وأنتي بدايه رحلتي وكنتي النهايه ..
ودعتك وغصب علي خذتك معايه ..

يا طول هالرحله.. لو هي المسافه والزمن
يا قصر هالرحله .. سافرت من جرح الشجن
يا طولها .. يا قصرها

تصوري إني نسيت
بس الأكيد إني بكيت
لين الدموع تكدست .. أوراق
عن حبك رحلت
ولحبك وصلت
وهذي سوالف رحلتي


سوالف عرب علي جال ضوهم



عبر العصور .. السالفه ..
كانوا العرب .. يشرون
المهر .. بميه ناقه
كانوا الرجال .. مثل الرماح ..
قاماتهم مشدودهٰ .. ودقاقه
وكانوا الحريم .. صبرٰ قديم
وفا .. وسماح ..
والي .. اقطعوا عن الفطيم .. الحليب
قصوا عسيب .. من انخله
واعطوه له وقالوا فرس
اعطوا الصغير .. سيفٰ خشب
ومجدٰ يحبه .. يوالفه
السالفه .. رغم الفقر
والجهل .. واوقات المرض
ماكان للبسمه غرض
ولا كان للدمعه .. غرض
ماكان في الدنيا .. سوي
ثوب ورغيف .. وعرض نظيف
وكرامهٰ ماهي تمس ..
السالفه .. اني أحس
انا عكسنا السالفه
صحيح قهرنا الفقر
والجهل .. وايام المرض
لكن غدي لكل شي .. غرض
السالفه .. ان القديم
كله غدينا .. انخالفه
ابدون وعي .. والابوعي
ماانتم معي .. انها قديمه السالفه