ست الحبايب
غناء فايزه أحمد وتلحين موسيقار الأجيال محمد عبد الوهاب

*

**

ست الحبايب يا حبيبه
يا أغلي من روحي و دمي
يا حنينه و كلك طيبه
يارب يخليكي يا أمي


زمىىىىىىان
زمان سهرتي و تعبتي

و شيلتي من عمري ليالي
ولسه برضه دلوقتي بتحملي الهم بدالي
أنام و تسهري و تباتي تفكري
و تصحي من الأذان و تيجي تشقري
يارب يخليكي يا أمي
يا ست الحبايب يا حبيبه

تعيشي ليا يا حبيبتي

ياأمي و يدوملي رضاكي
دانا روحي من روحك إنتي

و عايشه من سر دعاكي
بتحسي بفرحتي قبل الهنا بسنه
و تحسي بشكوتي من قبل ماحس أنا
يارب يخليكي يا أمي
يا ست الحبايب يا حبيبه

لو عيشت طول عمري

أوفي جمايلك الغاليه عليا
أجيب منين عمر يكفي

و ألاقي فين أغلي هديه
نور عيني و مهجتي و حياتي و دنيتي
لو ترضي تقبليهم دول هما هديتي
يارب يخليكي يا أمي
يا ست الحبايب يا حبيبه
ست الحبايب يا حبيبه
يا أغلي من روحي و دمي
يا حنينه و كلك طيبه
يارب يخليكي يا أمي

**