تحت الفنىىىىىىىىىىىىىىىىىىىىىىىار
 
تلاتين سنه فاتوا هوا ... ياباشاويش
تلاتين سنه نفس الطريق ما ينتهيش
تلاتين سنه نفس النشيد :
يعيش .. .. .. .. يعيش
تلاتين سنه تحت الفنار من غير نهار
و زهور بتدبل في الربيع
و الموت بيستقبل رضيع
و الموت علي فكر الجميع
و دموع كتير .. .. .. ..
وسنين تفوت ... من غير نهار
و الليل طويل ... تحت الفنار
تلاتين سنه ... من غير عمل
من غير أمل
من غير ضمير
لا دموع تداوي حسرتي
و لا أم تعرف لوعتي
و أتوه و أغيب في غربتي
و الناس كتير
تلاتين سنه ضاعوا في نضال
ضاعوا في ضلال ماينتهيش
و صراع مرير
لاجل الدهب في البيت يزيد
و رصاص يبيد
أمن العبيد
و الفجر يصبح مستحيل و النور يزيد
تلاتين سنه فاتوا هوا .. .. .. يا باشاويش