عينىىىىىىىىىىىي عليك
 
هان الدمع عشان أرويك
هان الدم عشان أحميك
هان الحب عشان أفديك
بعد دا كله
أجي ألاقيك
واخده في حضنك أي غريب
ترمي بايدك كل حبيب
و الله أنا شايف أمر عجيب
ليه بيقولوا الحب غريب
عيني عليك يا أغلي حبيبه
وسط ولادك عايشه غريبه
سامعه معايا نباح الكلب
شايف سرقه و نهب و سلب
سرقه عرض
و أرض
و قلب
عيني عليك ليه بتنوح
قلبي بينبض
نار و جروح
بكره حيجي ليه و يروح
يبكي عليك
و تبكي عليه
عيني عليك يا أغلي حبيبه
وسط ولادك عايشه غريبه
عيني عليك و عيني عليا
ايدك فاضيه
زي ايديا
قادر ربي في لحظه و ثانيه
يرجع نبضك جوه قلوبنا
نحبس دمعك جوه عيونا
نقفل بابنا
شويه علينا
يرجع خيرنا بايدنا الينا
نرجع نضحك زي زمان
نرجع نطلع
أعلي مكان