ما اقدرش أنسي البشىىىىىىىىىىىىىر
 
موجود علي الأرض دم كتير و له أصحاب
ماشيين علي الأرض لسه مانتهوش لتراب
قاعدين علي البرش لسه من ورا الأْبواب
لاهدين ورا القرش لسه و بيطولوه بعذاب
عايشين علي الشمس و الطين هما و الأْعشاب
عاملين لترس المكينه سيور من الأْعصاب
حارقين في فرن القمينه غلابا مظلومين أْغراب
موجود علي الأرض دمع كتير و له أْسباب
في عيون مرات الشريد اللي شبكها و غاب
و ف قلبها اللي الشباب عْجُْز في قلبه و شاب
و ف صحنها اللي صبح بعد الحكايه خراب
و دمع بنت الطريق صادق مهوش كداب
يبكي طريقها الطويله و قله الأْحباب
يبكي خطاها الذليله بين كلاب و دياب
يكتب علي الأْرض للعالم أْمرُ حساب
و الأْرض تشهد علي دموع طفل نام ع الباب
و دمعه الطفل م الرمان بتملا كتاب
كلام عن العدل بين الأْبرياء و عتاب
موجود علي الأْرض موت و جروح و شوك و خْراب
جنب الزهور و اليور و المنظر الجذاب
جنب الخدود و النهود و عواطف العزُاب
موجود جنود مجرمين ناقصين قرون و أنياب
مسيتبعدين أْرضنا و منجسين لا عتاب
مقدرش أْنسي دا كله و اتوه أْنا في شعاب
مقدرش أْنسي البشر متوزعين أْسلاب
بين الحرامي دالاس و تشرشل النصاب
و اوصف جمال الغروب و الشمس نازفه سحاب
ملزوم أْحس بألم و انزف قصايد نار
تضحك لنا من بعيد أْيام حاتبقي شباب