كىىىىىىىىىىىىىىوكتيل
 
حفله كوكتيل دبلوماسيه
في نظمه دوليه
أصوات دردشه هاديه و نشطه
تشبه فقاقيع شبانيا فرنسيه
ريحه السيجار العطريه
بعض الازياء الوطنيه
بعض صوي المزه
بعض الكئوسات رايحه و جايه
السوفيتي بيشرب طبعا فودكا
الصيني بيتصور جنب الويسكي
و الأمريكي بياكل كافيار حاف
وصل الضيف الاسرائيلي
ذو الضحكه العسليه
سلم علي كل البشريه
و استلم الكاس بحماس فنان
و طلب م الكابتن تلج كمان
و شرب و شرب
كأس الانسان في كل مكان
كأس الرجاله و النسوان
كأس العواجيز و الشبان
كأس اليابان
لبنان
و كمان لبنان
و طلع بالجزمه ع الترابيزه الجانبيه
و مشي بالجزمه ع الأكلات الشعبيه
و رقع ضحكه و عمل العمله اللي مش هيه
خلي المطرح تواليت
اتكهرب جو الحفله الرسميه
و اتقال لا لا ........ لا لا .... لا لا ...
دي غلطه في الاتيكيت