موال لرواد الفضىىىىىىىىىىىىىىىىىىىىاء
 
سألت عن بختي ۔ قالوا الجم له أحكام ۔
نجمك في يوم يرفعك ۔ و يضعضك أيام  ۔
إن مال يمين تتنصف ۔ و إن مال شمال تنضام ۔
و إن تروق دنيتك ۔ و باداهيتك لو غام .
نزل الطاعون ع البلد۔ قالوا النجوم تتلام ۔
و الحرب قامت ۔ قالوا لنا : نجم و ابن حرام ۔
واقف في وسط السما ۔ شاهر علينا حسام ۔
نجوم و ياما قصص .. و نجوم ۔ و ياما كلام ..
و فجأه فجأه كده ۔ فجأه مفاجأه تمام ...
انقض م الأرض ع الملكوت ولد ضؤغام ۔
رائد فضاء ..  و اللي بعده .. و بعده .. صبحوا زحام .
احنا البشر فين ۔ جوم السعد تيجي قوام .
ياللي انتو فوق ۔ اسبحوها عندنا بنظام ۔
و زقوا نجم الحروب ارموه في برج سلام .
و أما نجمي أنا ...
قولو له يضحك لي ..
و نفضوه لو سمحتم .. إن لقيتو غيام .