و قال يا بلىىىىىىىىىىىىىىىد
 
نعم ... بورسعيد الفكره و البرهان ۔
في لمعه عيونه من ميدان لميدان ۔
في برق انفجار الصخر ۔ في مصنع اتفتح ۔
في طلقه صاروخ ۔ أو في ارتفاع بنيان ...
حي العرب صامد ! ..
علم العرب صاعد ۔
بإدين عرب خلان
و جمال ..
و جمال بيتكلم ۔
و يصحُي ۔ و يعلم ۔
و يسلُم الفتيان ۔
وطن ۔ مالوش غالب ۔
ما يميلش علي جانب ۔
و يبادي بالاحسان ...
و طن بلا صحرا ۔
وطن بلا فقرا ۔
و حياه بلا أحزان ...
 
و قال : يا بلد ۔ خليني واحد من العدد .
قالت له البلد : ما في سواك ربان .
و قال : يا بلد : عاهديني ع الصبر و الجلد .
قالت له البلد : كفُك يا بو الشجعان !