يا وحىىىىىىىىىىىىىىىىوي
 
من قبل رمضان بجمعه الهرس دار في الدار
شالوا الموبيليا و حطوا العفش بالمندار
بالمكنسه دور و بالفرشه سبع تدوار
صبح البلاط زي خد المزمزيل ناعم
و الشقه بصُت لهيلتون نفسه باستحقار
 
جابو قمر دين و تين و زبيب و صنيبر
و مكسرات في شكارات مقفوله بالميبر
فاضل في شعبان تلات ايام يا شحيبر
راح تعملم ايه في رمضان ابقوا تعالوا لنا
و الكل بات في حسابات تلخم يهود خيبر
 
 
رمضان دخل .. كل عام و انتم بخير قالوا
مشاوير كتير مشو ضروا و اتحطوا و اتشالوا
علشان كنافه ( ميدان الست ) و احتالوا
حتي الولد لما راح و اتهربد القفطان
اضطر ينزل معاه البيه يجيبهاله
 
و من حواري ( الحسين ) راحو اشتروا الطرشي
خيار و لفت و بصل و لمون قديم محشي
فوق البوفيه رصُوا برطماناته و لا ساعشي
أْحمر و بني و بمبه و عنبري و اصفر
و يومين يا دوبك دخ كله يروح ما يرجعشي
 
 
السمن نازل يرفُ ... و كانوا جايبين كوم
و البيت معبأْ بريحه قلي طول اليوم
فيشاوي بالليل و من بدء النهار النوم
و لا شغله و لا مشغله غير بس ( يا وحوي )
و الكل فاطرين يا عيني و لم لهم في الصوم .