قمت النهارده الصبح منحرف المزاج
خانقت دبانوشي و شتمته في سري و ابتسمت
أنا أصلي لو هاجرت كان حصل انبعاج
فكتمت حلق البير بغطاه الشهير ثم انكتمت
عيل في سن المدرسه قاللي : يا حاج
و أنا زرت بيت الله لكن ما اسميش كده
و وليه حبلي قالتها تاني .. عقلي وج ..
أنا مسيو كيت و كيت يا سيده
لابس مثقف زي توفيق الحكيم
ببيريه و تلفيحه
أفوت بشكل سليم فرنسي صميم
أخد (كافيه) في (سان ميشيل) في باريس علي الريحه
و اسرح و اهيم ورا كل تسريحه
و لما فقت من الهيام
لقيتني واقع يا حرام
في مقلب الزباله و الدبان أمم
يتددوا لي بدفء مصري و يقولولي
قوم يا حاج
ما يقع غير الشاطر يا حاج
و ألف ألف سلامه ليك ...
يا عم الحاج .
