في الجنىىىىىىىىىىىىه
 
ابريق دهب
و مخُده من ريش النعام ...
تشرب سيادتك ۔ تنجöعص أخر غرام ۔
ترفع عينيك تلاقي منجه مدلدله ۔
و فاكهه ياما ۔ متلتله
أصناف من اللي الكيلو مش عارف بكام ۔
منجه ۔ و فراوله ۔ و موز ۔ و تفاح يا وله ۔
و خوخ و برقوق م التمام ...
ياللعجب ۔
البرتقان ويا العنب ۔
في غصن واحد ... يا سلام
جلا جلا ۔ يْا محترم جلا جلا .
كل الأمور متسهله .
تطلب حواجب نمل ۔ و الا قلوب دبب ۔
تحضر ۔ بسرعه مذهله ۔
ما عليكش إلا بس تفضل تشتهي ۔
تطلب و تطلب في حاجات لا تنتهي
كله يجاب ۔
ما هي جنه طبعا يا مهاب ...
لكن مافيش غير بس شئ واحد وحيد
لو تطلبه ۔ لا يستجاب ...
انك تعوز تخرج من السور الحديد .