بعد الفطىىىىىىىىىىىىىىىىىىىىىىىار
 
عيني غفلت حبتين ۔ بعد الفطار
كل عام و انتم بخير رمضان كريم
عيني غفلت ۔ م التعب طول النهار ۔
و المجاهده ۔ و المناهده ۔ وسين وجيم ۔
لحظه و التانيه ۔ و بعد اللحظتين ۔
جاني احساس إن حد دخل قعد ۔
و ابتدا يسبُح ۔ و ابص بنص عين ۔
نص قلبي انسرُ ۔ و النص ارتعد
شفت بيرم .. أيوه بيرم .. أيوه هوُه ..
لبده مصري ۔ جلابيه مغربي ۔
شمْله شامي ۔ سبحه من أرض النبوه
حد ما يعرفش بيرم و النبي ... ¿
 
شفت بيرم ۔ بالصديري اسكندراني ۔
شفه ۔ متلفع بشال من العراق ۔
و الحزام يمْنْي ۔ و عطر الايد سوداني ...
حد ما يعرفش بيرم يا رفاق .. ¿
 
ضحكته المره اللي بتنقط عسل
قلت : خير إنشاء الله قال : فين الديوان .
فين ديوان بيرم ) ما بطلتوش كس ...¿
قلت له : معلهش قال معلهض إيه !
و نا تايه عن بلدنا يا ولد ... ¿
البعيد عن عينها ۔ يا حسره عليه ..
يا بلدنا ۔ يا حلوه ۔ أه منك بلد !
 
قلت له : راح نحتفل بك قاللي : لا ۔
احتفالكو وفُروه علي نفسكو
قلت له : ح نشيد بفضلك قاللي : ها ۔
فضلي فين ۔ إذا كنتو ناسيين درسكو ¿
 
قلت له : علُْمنا : بيرم قاللي : شوف ۔
المياتم في الأزه ملطُْعه ۔
أنا مش عايز كراسي صفوف صفوف
أنا .. صفُولي حروف المطبعه !!