الملكىىىىىىىىىىىىىىىىىىىوت نظرت في الملكوت كتير و انشغلت و بكل كلمه ( ليه ¿ ) و ( عشانيه ) سالت أسأل سؤال .. الرد يرجع سؤال و أخرج و حيرتي أشد مما دخلت عجبي خرج ابن أدم م العدم قلت : ياه رجع ابن أدم للعدم قلت : ياه تراب بيحيا .. و حي بيصير تراب الأصل هو الموت و الا الحياه عجبي ضريح رخام فيه السعيد الدفن و حفره فيها شريد من غير كفن مريت عليهم .. قلت يا للعجب لاتنين ريحتهم فيها نفس العفن عجبي و الكون ده كيف موجود من غير حدود و فيه عقارب ليه و تعابين ودود عالم مجرب فاتو قال سلامات ده ياما فيه سؤالات من غير ردود عجبي
