القمىىىىىىىىىىىىىح
 
القمح زي الدهب بينادي شرشرتك
و زرعه القطن مسöتنيه منقرتك
و جاموستك الحلوه يم المسقه و بقرتك
لازم لهم حضن و الا اتنين حشيش أخضر
و تجيبهم الدار و تتعشي في مندرتك
 
يا عازق الأْرض مين غيرك حايرويها
يا زارع الغله يا منبُت تقويها
مين اللي حا يضمها و الا يدريُها
لو كنت ما نتاش هنا لا قدر الله يومد
و مين حايعلف بهايمك و الا يسقيها
 
يا بو العيال العيال ع الفرن نعسانين
حاضنين يا بو العيال حايقوموا فرحانين
لو كنت ما نتاش هنا لا قدر الله يوم
كان مين ح يفرح قلوبهم بالمحبه مين
 
ليام دي ع الجسر بتفوت ناس ما هيش منا
تقلُْع الزرع و تبهدل في نسواننا
و تخطف اللقمه من أولادنا و تهيننا
و كل ما يفوتوا تحصل معركه حاميه
و نصبح و الشهداء فايتيننا
ليام دي ع الجسر بيفوتوا انجليز أنجاس
سايبين بلادهم و جايين يدبحوا في الناس
ما يعرفوش السلام و ما يعرفوش الناس
بيحرتوا بالسيوف و بيزرعوا في الدم
صدق اللي قال مجرمين لم عندهم إحساس
 
لو كنت عايز تعيش في سلام و حرُيه
لو كنت عايز تعيش للزرع و الميه
لو كنت عايز تعيش و تربُي ذريه
قوم طهرُ البر بالخنجر و بالمدفع
من جنس دوده انجليزي في أْرض مصريه