السيد عبد العاطي البروقراطي
 
السيد عبد العاطي البيرو قراطي ۔
من ( بيروقراط ) مركز مش فاكر ايه ۔
كل بلدهم بهوات سبحان العاطي ۔
الكاتب بيه و مدير المصلحه بيه ۔
و السيد عبد العاطي البيروقراطي
راجل دوغري ۔ فاهم إيه اللي عليه ...
راجل يعرف أمتي ينخنخ ويطاطي
و كمان يعرف امتي يدلدل رجليه .
ييجي المكتب ۔ بدري بمواعيد ظباطي ۔
و الساعه اتنين و لا ورقه تكون في ايديه .
فنان في الشغل ۔ وفنه أرستقراطي ۔
الفن فقط للفن ۔ بتضحكوا ليه ¿
لا تقوللي مصالح شعب و لا كلام و اطي ۔
الهدف السامي علاوه تلاته جنيه .
و السيد عبد العاطي البيروقراطي
( السد العالي ) ف نظره .. اسمه دوسيه !