اتنين صباحىىىىىىىىىىىىىىىىىا
 
النور ملو الشوارع ۔
و مليون راديو والع ۔
الساعه اتين صباحا ۔
لكن إيه الموانع !
.. الخلق رايحه جايه ۔
و الدنيا لسه حيه ۔
مليانه بالهأْو أْو ۔
و زعيق القهوجيه .
.. واحد يقول لواحد :
خليك يا عم قاعد ۔
التاني يقول له : شكرا ۔
ده انا م المغرب مواعد ۔
فيه سهره لسه عندي ۔
في بيت فلان افندي ۔
ح ناكل حاجه حلوه ۔
و نشرب تمر هندي ..
و اللي تروح دالقه جردل ۔
فوق حضره المبجل ۔
طبعا صاحبنا يزعل ۔
و ينفجر شتايم ...
و الحي كله يوصل ۔
ما بين مصلح و لايم ۔
اللي يقول :
يا جماعه ...
و اللي يقول : يا بهايم ...
و مطرب الاذاعه ۔
يصرخ ۔ و ف وجده هايم ..
و لو طرطقت ودنك ۔
في وسط دي العظايم ۔
تسمع مسحراتي ۔
بطبله صوتها واطي ۔
بيقىىىىىىىىىىىىىىىىىىىىول :
اصحي يا نايم