احنا التلامىىىىىىىىىىىىذه
 
يا عم حمزه ۔
احنا التلامذه .
جن و بلاوي مسيُحه من غير مؤاخذه
نكبر ما نكبر ۔
الله أكبر .
طول الزمان ع الامتحان داخلين مبارزه !
هل من مبارز ¿
هل من مناجز ۔
هل من معارك في البلد دي ۔ لسه عايزه ¿
هل من منادي ¿
و نفير جهادي
قال لك : أجل ! .. لسه العجل في رمله غارزه !
لسه ف طريقنا للأْمال ۔
و الرمله من كل جهه ..
زقه مع زميلكم جمال ۔
يا عقولنا يا متنبهه !
الرمله حلوه ع البلاج ۔
حلوه علي باب الفرح ۔
لكن لحد كده و بلاش ۔
أْحسن شعوري بينجرح .
اسفخص علي لون الاصفرار
و الفقر ۔ والخوف ۔ و المرض
ماشفته الا و دمي فار ۔
و حلمت بيه زال ۔ و انقرض .
كابس علينا الشئ ده ليه ¿
هو انجليز .. ¿
و الاتتر ¿
دوكهم خطر ۔ قمنا عليه ۔
رياح ما خلتلوش أْتر .
كان برضه أمشير زي ده ۔
.. كان برضه أْمشير زي ده ۔
كان برضه فبراير كده ۔
قمنا جموعا حاشده ۔
سلاحنا أْنشوده فدا ..
احنا الجواب ۔ واحنا الندا ۔
و احنا التلامذه المنجده ..
يا عم حمزه ما شتناش ¿
.. الدنيا شافت دمنا ۔
حنُه ۔ علي ايدين أمنا ۔
حلفت يكون عيد باسمنا ۔
عيد ابتدا و لا انتهاش ..
يا عم حمزه ۔
 
(لا ماليف) و همزه
لأْ .. مش عاوزين عيشه و ارثين
و لا دنيا جاهزه .
ده ابو سد عالي ۔
شهران ليالي ۔
زي التلامذه ف الامتحان .. يا عم حمزه .