البنت و الولىىىىىىىىىىىىىد
 
البنت فارت و الولد خنشر ...
يا داهيه دقُي ! .. ألف بعد الشر ..
يا ريتها كانت نزله شعبيه ۔
و الا وجع في البطن .. يتدبر .
الا اللي نابهم ۔ كان قضا وصابهم ۔
مالوش دوا ۔ و لا طب ۔ يا سي أنور .
البنت في الاعدادي لسُاها ۔
كان إيه لزوم الغصن يتدور ...¿
و الا الولد ۔ ده يا دوب دخل ثانوي ۔
ليه خده ينطر شوك ۔ بدا المنظر ¿
مش لما بس يكملوا علومهم .. ¿
ما كانش يومهم ۔ يا النهار لا غبر !
لو كان عليا .. لا واد ۔ و لا بنُيه ۔
أخلي فيهم ( مللي ) يتغير ۔
غير لما يبقوا أساتذه ۔ بماهيه ۔
و بيت جميل ۔ مفروش علي صغُير !