لاء يامه ... مش مستحيل
 
ليه يامه الناس ما تدفي بعضيها
ليه كل واح عاوز عاليها وطيها
ده الدنيا عايزه كفوف تشيل تسند في بعضيه
و ده ياما في الدنيا ... أحلي ما فيها
 
بردانه يامه في عز حر الصيف
ضميني يامه و بكفك لفيني ... كونيلي لفيف
الشتا بارد و قساوته جاي في صيف
قلوب الناس إتجمددت ... و الهمس أصبح مخيف
ضميني يامه ... بكفوف ايديكي لفيني
... كونيلي لفيف
أه يامه ...
أه يامه ... لو كنت أفتح و أغمض ...
الأقي الجرح متضمد
الاقيني في عز البرد دفيان
و الناس وشوشها سöمحه ذي زمان
و قلوبها تطرح صبر و عطا و لا البستان
 
لاء يامه ... مش صعب
مش مستحيل
قلب الانسان مش شق الليل
لاء يامه ... ده كان بيدفي و دفيان
إزاي ينسي الإنسان ... إنه ...
إنه إنسان !