أنا امي كلامها كتير ... و مناها تشوفني وزير
و عشان تدعي لك دايما ... خليني يا سيدي وزير
فيها أيه لو أبقي وزير ... و اعمل للحظ وزاره
و السر تمالي ف بير ... و الحاره حتبقي أماره
و اللعبه خيوطها كتير ... و الأمر لازم له شطاره
و اخوكم ف التفكير ... فنان من غير زماره
أنا جاي و كلي ضمير ... محتاج منكم لاشاره
نفسي تخلوني وزير ... انشا الله في أي وزاره
و الرشوه حتبقي أماره ... و الكوسه حتبقي اشاره
يفهم منها الحلوين ... تفهم منها الجماهير
أنا عايز أبقي وزير
خليني وزير تعمير ... او حتي وزير تدمير
و الامر بدون تفكير ... محتاج حبه تغيير
أو سبحه تقول يا مجير ... الفقر خلاص حيطير
و الخير علي ضهر الخيل ...طاير و القلب معاه
و الفجر حيجي يا ليل ... العين بتقول وياه
خليني وزير تعمير ... أو حتي وزير ترميم
و أنا اعمر .. .. مليون كرسي
و الصحرا بشوقها إلينا ... نرويها بدمع عنينا
من بكره حتبقي جنينه ... علشان احفادنا يا نيته
بس تخليني وزير ... انشالله ف اي وزاره
و الرشوه حتبقي اماره ... و الكوسه حتبقي اشاره
يفهم منها الحلويين ... تفهم منها الجماهير
أنا عايز أبقي وزير
خليني وزير اسكان ... و انا ابني قصر وخان
و حناخد م الاعيان ... لاجل عيون الخلان
و حنيني وزير اسكان ... و انا ابني قصر و خان
و حناخد م الاعيان ... لاجل عيون الخلان
و حنبني ف كل مكان ... احلام فوق الاحلام
بس بلاش التمليك ... و بلاش برضه التأجير
و بلاش ويايا شريك ... خلوني لوحدي وزير
و عماير بالتمليك ... تنهار علي كل فقير
و الامر بدون تشكيك ... محتاج عطفك يا أمير
أو رخصه و تاخد شيك ... أو فعل مالوش تبرير
بس تخلوني وزير ... انشالله ف اي وزاره
و الرشوه حتبقي اماره ... و الكوسه حتبقي اشاره
يفهم منها الحلويين ... تفهم منها الجماهير
انا عايز أبقي وزير
خلوني وزير المال ... و الأشيه حتمشي و عال
حنرشد كل مجال ... حتي طيران العال
و حأقول اجمل ... و أغني مع متقال
و أنام مرتاح البال
دي البركه في أخي أمال ... و البركه في ابويا جمال
و البركه في راحه البال
بس تخليني وزير ... انشالله ف ي وزاره
و الرشوه حتبقي اماره ... و الكوسه حتبقي اشاره
يفهم منها الحلويين ... تفهم منها الجماهير
أنا عايز ابقي وزير
خلوني وزير تصنيع ... و بلاش شغل الترقيع
و أنا اصنع بيضه و فرخه.. و أبطل أضرب لبخه
من غير عنطزه و لا نفخه
و حنبني قلاع علي النيل ... لاجل عيونك يا جميل
نصنع ابره و كبريت ... و مصانع للديناميت
تنفعنا ف يوم الجرد ... من غير ما ندبس حد
خلينا نعيش ف الجد ... و الجزر لازم له المد
و بلاش تعمل حباك ... لاهرب لك م الشباك
بس تخليني وزير ... انشالله ف اي وزاره
و الرشوه حتبقي اماره ... و الكوسه حتبقي اماره
يفهم منها الحلويين ... تفهم منها الجماهير
أنا عايز أبقي وزير
خليني وزير العدل ... و أنا اعدل بين الناس
و اعدلي دماغي بكاس ... دا ميزاني ماهوش حساس
خليني وزير العدل ... و انا امسك ايها ندل
أو مجرم من غير عقل ... و اعاقب حتي البغل
لو شفته يعدي البحر ... يخرج لي و لا يتبل
و اغير اي قانون ... يقول ان المجنون
محتاج من قلبي العفو
و اشرع بر و جو ... علشان الناس السو
و حنحكي ليه و نلك ¿
يا نحل .. .. يا أما نفك
نستأنف ليه ما نسك ... اوعي تخليني اشك
و الحكم خلاص ف البك
بس تخليني وزير ... انشالله ف اي وزاره
و الرشوه حتبقي اماره ... و الكوسه حتبقي اشاره
يفهم منها الحلويين ... تفهم منها الجماهير
أنا عايز أبقي وزير
خليني وزير تموين ... و انا امشي معاك بالعكس
بس انت اعدل لي الأكس
حاملا الجمعيه حاجات
كافيار و مربه عدس
و البوري و البكالاه ... و قماش زي الشمواه
وكليم زي الشنواه ... مش عايز تاني عراه
خليني اقول الأه ... تسمعها تقول الله
ليه عقلك يهرب مني ... و انا عقلي بيمشي وراه
محتاج لك في التفكير ... تحتاج لي ف التزوير
بس تخليني وزير ... انشالله ف اي وزاره
و الرشوه حتبقي اماره ... و الكوسه حتبقي اشاره
يفهم منها الحلويين ... تفهم منها الجماهير
أنا عايز أبقي وزير
خليني وزير اعلام ... املالكوا الدنيا كلام
و ابني لكوا من الالهام ... اهرام فوق الاوهام
مش حازعل يوم و اتغم ... ف وزارتي نسيت الهم
عايزني ليه اتلم ... و كمان الناس تتلم
و تبطل همس و نم
بجرايد و مجلات
املاها بمشاغبات
لاجل عيون الجماهير ... ترتاح و بلاش تفكير
شريهان من بعد سمير ... و البركه ف الفوازير
بس تخليني وزير ... انشالله ف اي وزاره
و الرشوه حتبقي اماره ... و الكوسه حتبقي اشاره
يفهم منها الحلويين ... تفهم منها الجماهير
أنا عايز أبقي وزير
خلوني وزير عمال ... و انا اغير حال من حال
و اخلي العز تلال
و اخلي القاف و العين ... ف القلب وجوه العين
علشان الناس الزين ... من غيرها تروح علي فين
و أدي ايدي .. .. و أدي كتافي
دا الغش معاك مش كافي
علشانك اعيش اسكافي
و المع رجل الحافي
بس تخليني وزير ... انشالله ف اي وزاره
و الرشوه حتبقي اماره ... و الكوسه حتبقي اشاره
يفهم منها الحلويين ... تفهم منها الجماهير
أنا عايز أبقي وزير
خليني وزير تعليم
و انا اعلم اي بهيم
و البت و ست البيت
و البغل كمان ف الغيط
اديني بدايه الخيط
اديك انا ما اتمنيت
أنا افبرك الف روايه
و نألف الف حكايه
و اتمني و انت معايا
انا اخدت العلم هوايه
و نظام مالهوش تطوير
لاجل عيون التلاميذ
بس تخليني وزير ... انشالله في اي وزاره
و الرشوه حتبقي اماره ... والكوسه حتبقي اشاره
يفهم منها الحلويين ... تفهم منها الجماهير
أنا عايز أبقي وزير
خليني وزير النقل ... و انا اجي لك بالحنطور
و اعمل اتوبيس بنور ... و المترو يلف يدور
نفسه اثبت له الخط
انا خايف يوم اتلط
بيقولوا عليا غلطت
انزل من فوق و انحط
تليفوني ليه بيقول ... أنا بيك مشغول علي طول
لك عندي كام برقيه ... مكتوبه بزيت الفول
فيها ايه لو اخدت هديه
كام قرش .. .. و كام عربيه
انا واخد شغلتي غيه ... و باعالج ف الطوابير
بس تخليني وزير ... انشالله ف اي وزاره
و الرشوه حتبقي اماره ... و الكوسه حتبقي اشاره
يفهم منها الحلويين ... تفهم منها الجماهير
أنا عايز أبقي وزير
خليني وزير بترول ... و انا ابقي قد القول
يطلع بترول من قلبي ........... و يجيب الخير لحبايبي
مقدرش اداري و اخبي ... و العقد اهو نايم جنبي
و عمولتي ف بلاد بره
تنفع ايامي السمرا
و ليالي الزهد الحمرا
من غير بترول و لا خمره
راح اسافر و اعمل عمره
بس تخليني وزير ... انشالله ف اي وزاره
و الرشوه هتبقي اماره ... و الكوسه حتبقي اشاره
يفهم منها الحلويين ... تفهم منها الجماهير
أنا عايز أبقي وزير
خليني وزير فلاح ... ازرع كوسه و تفاح
علشان الشعب الكادح ...محتاج اليوم يرتاح
نفسي ازرع حب و أقلع
و أغني معاكوا و أسمع
هتافات الشعب المجدع
ليه بس اللون الاخضر ... مالها بقيه الالوان
ليه نزرع كوسه و عدس ... مالها زراعه الاشجان
و ازرع لك زيت شلجوم
لو يوم مس البلعوم
يا عنيا يا عيب الشوم
الحلو ينام ما يقوم
بس تخليني وزير ... انشالله ف اي وزاره
و الرشوه حتبقي اماره ... و الكوسه حتبقي اشاره
يفهم منها الحلويين ... تفهم منها الجماهير
أنا عايز أبقي وزير
مش عايز اكون بكاش ... مش عايز اكون غشاش
ف وزاره ما تتسماش
و عشان حب الجماهير ... و هتاف ياما و تصفير
مش عايز أبقي وزير
راح افوت البيت و الحاره ... بالطبله و بالزماره
و اعبي فلوسي ف شكار ... و اركب اول طياره
