سلم لى ع الترماى ... و المترو و الحنطور
طلعنى فوق ف الهاى ... علمني شغل الزور
ليه تسيبنى ألف و أدور
سلم لى على الاتوبيس ... اللى اندهن الوان
سلم لى ع المهاويس ... و اقر لنا م الفنخان
ايه فايدة الانسان
خبرنى عن أيام ... كان الهوا فيها
خلا قلوبنا الخام ... تحلا معانيها
و الروح بتفدي الحق و الحق حاميها
خبرنى عن ماضى ... احترت أنا وياه
ليه الكتاب فاضى ... و الحق فين القاه
قربت أنا أنساه
طمنى عن أحلام ... سافرت بقى لها سنين
لا جانى منها جواب ... و القلب كله حنين
عطشان أنا ع النيل
طمنى عن بكره ... لوفيه لقلبي مكان
طمنى عن دمعى ... يبكى على انسان
محبوس ف قلبي زمان