طمني عن بكىىىىىىىىىره


 سلم لي ع الترماي ... و المترو و الحنطور
طلعني فوق ف الهاي ... علمني شغل الزور
ليه تسيبني ألف و أدور
سلم لي علي الاتوبيس ... اللي اندهن الوان
سلم لي ع المهاويس ... و اقر لنا م الفنخان
ايه فايده الانسان
خبرني عن أيام ... كان الهوا فيها
خلا قلوبنا الخام ... تحلا معانيها
و الروح بتفدي الحق و الحق حاميها
خبرني عن ماضي ... احترت أنا وياه
ليه الكتاب فاضي ... و الحق فين القاه
قربت أنا أنساه
طمني عن أحلام ... سافرت بقي لها سنين
لا جاني منها جواب ... و القلب كله حنين
عطشان أنا ع النيل
طمني عن بكره ... لوفيه لقلبي مكان
طمني عن دمعي ... يبكي علي انسان
محبوس ف قلبي زمان