نفسىىىىىىىىىىىىىىىىىىىىىىي  أزكي
 
زعرب افندي اسما الله عليه
قرر يغسل مره ايديه
شفت الميه تهرب تشكي
كل صابون الدنيا ما يكفي
زعرب افندي جه في رمضان
قام و أخدني بالأحضان
جاي يسألني يدفع بالأحضان
جاي بيسألني يدفع كام ¿
صدقه ماله بس حلال !!
قلت يا سيدي الدفع علينا !!
و انت كفايه القبض عليك !!
نظره عينه بتقول ليله
أحمر و اسود زي الطين
عايز يمشي زي الدين
عايز يدفع للمساكين
خايف أقوله يزعل مني
أن زكاته زي صلاته
زي صيامه أو دعواته
هي صحيح كلها مفروضه
بس يا زعرب مش مقبوله !!
بص و قالي :ىى
بيني و بين الرب عمار
ياما دعيت له أنا ف الزار
ليه تحبكها و تعمل انك
بيني و بين الرب ستار
قلت يا زعرب : طهر ايدك
بطل كل الناس تدي لك
قالي : يا جينتل ۔ افهم حالي
عمر الماده ما تشغل بالي
أنا ف مكاني ناس جايه لي
جايبه هدايا مش علي بالي
جت برضاها مش بمزاجي !!
يبقي رضاها طهر مالي