أه يا زمىىىىىىىىىىىىىىىىىىىىىىن
 
يا زمن أه يا زمن
ياللي ماشي ماليك رجلين
ترسم خطوطك علي وشي بدون ايدين
شفتك تاكل نور النهار
خطوتك تشوط الشمس لإنحدار
صوتك صواريخ هوا
تضرب جتتي تقلب خطوتي
و قلبك حديد ما بيتلوي
يا زمن أه يا زمن
لا مخلي الماشي ماشي
و لا الراكب راكب
لابس طقيه الخفي
تعطل السير و تقلب مراكب
تفتح حنفيه تجري البليه مع التعبان
تنشف ميه في لإيد عرقان
في رجلك مناجل .. .. بتدهس .. .. بتاكل
بترسم ضريح .. .. و تحمي التاريخ
تبني حضاره .. .. و فجأه تطيح
خطوطك كثيره
كثيره .. .. اليمه و ما بتتمحيش
و رجلك طويله
طويله .. .. طويله و ما بتنبريش