حكىىىىىىىىىىىىىىىىىىايه بنت صغيره
 
سألوا : صْبي  و اله صبيه ¿
قالت أمها ... دي صبيه
ملامحها محدده مصريه
جسمها صغير لكن عفيه
الشفايف فراوله و الخدود خمريه
أول ما نزلت صرخت
صرخه بجد قويه
 
مرت سنه و سنتين
طولت بقت شبرين
 
لسه الكفوف صغيرين
فين الشöمال فين اليمين
و الكعاب برضك يدوب متحنين
لسهما مشيوا بسرعه صبحوا مشققين
الضفاير ... بالسواد كانوا معقودين
و العيون ... زي قطه مغمضين
لكن ... يا ويلي ... بالدموع متكحلين
هيه قساوه ... و اله غباوه
و اله الفلوس ليها طعم حلاوه
لساه صباعها في فمها
سحبوها من حضن أمها
تخدم في بيت تخدم في غيط
ما دامت عفيه
تمسح في أرض أو عربيه
تموت في علقه ... تموت في الشارع
ما هي .., وحيده ... ماليها ديه
مرت سنه و سنتين
طولت كمان شبرين
 
تاكل في شوك ... تبلع أنين
لكن العيون بالطموح متكحلين
شكöت في ودن الشمس
داب اللهيب من الهمس
تحلم ببكره و بعده
أفضل من اليوم و الأمس