لعمري نسيت و لا هنسي اللي كان
حلم عشته ف خيال من زمان
كنت بحلم اعيش انسان
ما بلدي كانت فخر الاوطان
طب ليه قسمونا احوال الوديان
عسكر و اخوان
شرطه و خوان
مسجون و سجان
عايش و متهان
و اسماء منزلشي بها سلطان
و كنا واحد بنلعب صغار
ولما نعقل و اهو بقينا كبار
يقسمونا كل واحد ف حال
و كنا ايد بايد ف الحروب
مسلم مسيحي بنبني الشعوب
و علشان يذلونا غلوا الاثمان
و رخصوا الدم نسيوا وعيد الرحمن
حرمه الدم مذكوره انجيل و قرأن
يا بلد مافيش دم لظالم و سجان
يا بلدي كان حلم بسيط انسان
اعيش فيكي من غير ما اتهان
و لا يسحبني جاهل ولا علمان
و لا نص عقل يقول خرفان
و نعيش بلدنا مجرد سكان
ازرعوا مش ليكم لحاشيه السلطان
انهشوا لحمكم بايديكم و التهمه خوان
دي عيشه تقرف يا مفخره الاوطان
أهون اموت ولا اعيش زي الحيوان
الامر مش امري.. الحلم مش حلمي.. حتي كوني انسان
هباء منثور طي النسيان
‘‘‘‘‘‘‘‘‘‘‘‘‘‘‘‘
قريت قصيده عاديه هي احزان
بحسبها بتحكي حال هذا الزمان
لاقيتها اكبر مني بزمان
معقوله الظلم عادوه زي اللي كان
هي البلد لازم ديابه و خرفان
لازم شريف يقتله جبان
و مش عجبه و يناديه خوان
يا بلد احترت فيكي
هو انتي عسل و لا علكم
هو انتي السكر و لا الغم
ليه رخصتي الدم
و بترقصي لنشر الظلم
ده وضع فاسد و عم
وبيسقوا ف المدن السم
و الميدان ماينفع يا بلد الهم
يا بلد كنت عاشق فيكي ولهان
قبل ما تنصري العٓري و الجبان
علي الفكر و شريف اللسان
و قلبه عليكي و مش خوان
ده نفسه بس يعيش فيكي.......... انسان