مىىىصىىري...
اللي باع مره الهرم
واللي قال انك صنم
واللي قال شعبك غنم
الجواز بيقول دا مصري!!!
***
اللي واقف ف الميدان
واللي سهران للاذان
بس سادد الودان
الجواز بيقول دا مصري!!!
***
اللي طافح بالكلام
واللي قرفان م الكلام
واللي مولود لسه خام
الجواز بيقول دا مصري!!!
***
اللي يفتي ف أي حاجه
واللي فاهم كٓل حاجه
واللي شبعان م السذاجه
الجواز بيقول دا مصري!!!
***
اللي طهقنا ف حياتنا
واللي حببنا ف مماتنا
واللي هانك واللي هانا
الجواز بيقول دا مصري!!!
***